63- ஆயனுக் காகத்தான் கண்டகனாவினை

ஆயனுக் காகத்தான் கண்டக னாவினை
வேயர்பு கழ்வில்லி புத்தூர்க்கோன் கோதைசொல்
தூயத மிழ்மாலை ஈரைந்தும் வல்லவர்
வாயுநன் மக்களைப் பெற்றும கிழ்வரே

ஆயனுக் காகத்தான் கண்ட கனாவினை- கண்ணனுடன்  தனக்குத் திருமணம் நிகழ்வதாகக் கண்ட கனவினை
வேயர் புகழ் வில்லிப்புத்தூர் கோன் கோதை சொல்- வேயர் குலப் புகழ் பெற்ர வில்லிப்புத்தூர் தலைவர் பெரியாழ்வார் மகள் கோதை சொல்ல
தூய தமிழ்மாலை ஈரைந்தும் வல்லவர்- (கனாக்கண்ட) பத்துப்பாடல்கள் அடங்கிய தூயதமிழ்மாலையைப் பாட வல்லவர்
வாயுநன் மக்களைப் பெற்று மகிழ்வரே- திருமணமாகி அருமையான நல்ல குழந்தைகளைப் பெற்று மகிழ்வார்கள்
ன
கண்ணனுடன், தனக்குத் திருமணம் நடந்ததாக, பெரியாழ்வார் மகள் கோதை கண்ட கனவான பத்துப் பாடல்களையும் பாட வல்லவர் திருமணமாகி நன் மக்களைப் பெற்று மகிழ்வார்கள்

(143 நாச்சியார்திருமொழிகளில் இந்தப் பத்துப் பாடல்களே அதிகம் கொண்டாடப்படுகின்றன.திருமணங்களிலும் இவை பாடப்படுகின்றன)