136 - மாலாய்ப் பிறந்த நம்பியை

மாலாய்ப் பிறந்த நம்பியை
மாலே செய்யும் மணாளனை
ஏலாப் பொய்க ளுரைப்பான
இங்கே போதக் கண்டீரே
மேலால் பரந்த வெயில்காப்பான்
வினதை சிறுவன் சிறகென்னும்
மேலாப் பின்கீழ் வருவானை
விருந்தா வனத்தே கண்டோமே

மாலாய்ப் பிறந்த நம்பியை - கருமையாய் பிறந்த நம்பியை

மாலே செய்யும் மணாளனை - மயக்கம் செய்யும் என் மணாளனை

ஏலாய் பொய்களுரைப்பான் - ஏற்றுக் கொள்ள முடியாத பல பொய்களை உரைப்பவனை

இங்கே போதக் கண்டீரே - இங்கே வரப் பார்த்தீர்களா

மேலால் பரந்த வெயில் காப்பான் - வெயில் உடலில் படாது காப்பவன்

வினதை சிறுவன் - வினதை என்ற பெண்ணின் மகனான கருடனின்

சிறகென்னும் மேலாப் பின் கீழ் வருவானை - மேலாக விரித்த சிறகின் அடியில் கீழ் வருவானை

விருந்தா வனத்தே கண்டோமே - விருந்தாவனத்தில் பார்த்தோம்


கேள்வி - கருமையாய் பிறந்த நம்பி, என்னை மயக்கம் கொள்ள வைத்த என் மணாளன், ஏற்றுக் கொள்ள முடியா பல பொய்களை உரைப்பவன், இங்கே வரப் பார்த்தீர்களா?

பதில் - வினதை என்ற பெண்ணின் மகனான கருடன், மேலாக விரித்த சிறகின் கீழ், வெயில் உடலில் படாது வந்தவனை விருந்தாவனத்தில் கண்டோமே

(வினதை- கருடனின் தாய், காசிபர் - கருடனின் தந்தை, வினடஹி சிறுவன் - கருடன்)

கண்ணனுடன் கற்பனையில் வாழ்ந்தவள்.பல விதங்களிலும் வேண்டியும், பிரார்த்திதும், தூது அனுப்பியும் வராதவன்...ஆகவே இப்பாடல்கள் மூலம், பொய்யன், .வெண்ணெய் மணத்தவன் குட்டக்காளை என்றெல்லாம் அம்னம் போனபடி செல்லமாக திட்டுகிறாள்