57- கதிரொளி தீபம்க லசமுடனேந்தி

கதிரொளி தீபம்க லசமு டனேந்தி
சதிரிள மங்கையர் தாம்வந்தெ திர்கொள்ள
மதுரையார் மன்ன னடிநிலை தொட்டுஎங்கும்
அதிரப் புகுதக் கனாக்கண்டேன் தோழீநான்

கதிரொளி தீபம் கலசமுடன் ஏந்தி- கதிரவனின் ஒளிபோல ஒளி வீசும் தீபங்களையும்,பொற் கலசங்களையும் ஏந்தி
சதிரிள மங்கையர் தாம் வந்து எதிர்கொள்ள-அழகிய இளமையான பெண்கள் தாமே முன் வந்து எதிர் கொள்ள
மதுரையார் மன்ன னடிநிலை தொட்டு எங்கும்-(வட) மதுரை மன்னன் நடப்பதில் அவன் பாதத்தின் அடியில் இருந்து நிலம் எங்கும்
அதிரப் புகுதக்- அதிர (அவர் நடந்து வந்து மணப்பந்தல்)புகுவது   போன்று
கனாக் கண்டேன் தோழீநான்-நான் கனவு கண்டேன் தோழீ


அழகிய இளம்பெண்கள், சூரியனின் ஒளி போன்று ஒளி வீசும் தீபங்களையும், பொன் கலசங்களையும் ஏந்தி வரவேற்க மாப்பிள்ளையான வடமதுரை கண்ணன் நிலம் அதிருபடியாக நடந்து வந்து மணப்பந்தலில் புகுவது போல கனாக் கண்டேன் தோழீ